پی ٹی آئی کراچی کے جنرل سیکریٹری گرفتار

پاکستان تحریک انصاف ( پی ٹی آئی ) ( PTI ) کراچی ( Karachi ) کے جنرل سیکریٹری ارسلان تاج ( Arsalan Taj ) کو آج بروز اتوار 12 مارچ کی علی الصبح گرفتارکیا گیا ہے۔

موصول اطلاعات کے مطابق ارسلان تاج کو گلشن اقبال میں ان کی رہائشگاہ سے گرفتار کیا گیا۔

ترجمان پی ٹی آئی نے گرفتاری کی تصدیق کرتے ہوئے کہا ہے کہ ارسلان تاج کے گھر میں سادہ لباس اہلکار داخل ہوئے۔

گھر میں سادہ لباس کپڑوں میں پولیس اہلکار داخل ہوئے واقعے کی سی سی ٹی وی فوٹیج منظر عام پر آگئی جس میں ارسلان تاج کے گھر کے باہر دو دو گاڑیوں کو دیکھا جا سکتا ہے۔

ویڈیو میں یہ بھی دیکھا جا سکتا ہے کہ پولیس اہلکار پی ٹی آئی رہنما کو گرفتار کرکے کے لے جارہے ہیں۔

دوسری جانب سندھ اسمبلی کے رکن راجہ اظہر کے گھر پر بھی چھاپہ مارا گیا، تاہم وہ گھر میں نہ ہونے کے باعث گرفتاری سے محفوظ رہے۔ پولیس کی جانب سے چھاپے سے متعلق کوئی مؤقف سامنے نہیں آ سکا ہے۔

from Samaa - Latest News https://ift.tt/z0sWGLw