لاہور میں چلڈرن اسپتال کی تیسری منزل پر آگ لگ گئی

لاہور کے علاقے گلبرگ میں واقع چلڈرن اسپتال میں آگ نے تیسری منزل کو اپنی لپیٹ میں لے لیا۔

اسپتال انتظامیہ کے مطابق آگ صبح 5 بج کر 15 منٹ پر لگی۔ واقعہ کے فوراً بعد ہی ریسکیو عملے اور فائر بریگیڈ کے عملے کو طلب کرلیا گیا تھا۔

امدادی ٹیموں کے مطابق آگ لگنے سے اسپتال کی تیسری منزل پر واقع فارمیسی کا اسٹور مکمل طور پر جل کر راکھ ہوگیا۔

اسپتال انتظامیہ کا کہنا ہے کہ اسٹور جلنے سے کروڑوں روپوں کی ادویات بھی جل کر خاکستر ہوگئی ہیں۔

فائر بریگیڈ عملے کے مطابق آگ بجھانے کے عمل میں 7 فائر ٹینڈرز حصہ لے رہے ہیں۔ آگ سے جانی نقصان کی اطلاع موصول نہیں ہوئی۔

from Samaa - Latest News https://ift.tt/L0mlwNf