اٹلی کے شہر میلان کی شاہراہ پر ٹریفک حادثے میں 4 پاکستانی جاں بحق ہوگئے۔
ذرائع ابلاغ سے جاری اطلاعات کے مطابق میلان میں ٹریفک حادثہ وین اور گاڑی کے درمیان ٹکر کے باعث پیش آیا۔ جاں بحق چاروں پاکستانی ڈیوٹی کیلئے فیکٹری جا رہے تھے۔ حادثے میں ایک نوجوان زخمی بھی ہوا۔
جاں بحق افراد کی عمریں 30 سے 40 سال کے درمیان تھیں۔ تین نوجوانوں والوں کا تعلق گجرات اور ایک کا تعلق ہری پورسے ہے۔
اطالوی پولیس کے مطابق حادثہ اٹلی کے شہر تورینو میں اے فور موٹر وے پر پیش آیا۔ گاڑی اوور کنٹرول ہونے کے باعث پیچھے سے آنے والی وین سے ٹکڑائی۔
حادثے کے بعد 5 ایمبولینس اور دو ہیلی کاپٹر موقع پر پہنچ گئے اور جاں بحق افراد کی لاشیں مقامی اسپتال منتقل کی گئیں۔ اندوہناک حادثے کی خبر پر اٹلی میں مقیم پاکستانی کمیونٹی غم اور صدمے سے دوچار ہوگئی۔
from SAMAA https://ift.tt/0bGWXaz
No comments:
Post a Comment