چیئرمین پی ٹی آئی کیخلاف سائفرکیس کی سماعت کرنے کیلئے جج اٹک جیل پہنچ گئے

اٹک جیل میں آج بڑی سماعت ہونےجارہی،خصوصی عدالت کے جج ابوالحسنات ایف آئی اے کی طرف سے درج سائفر کیس کی سماعت کریں گئے۔

چیرمین پی ٹی آئی کوجج صاحب کے روبروپیش کیا جائے گا جس کی جیل کے اندد تمام تیاریاں مکمل کرلی گئیں ہیں۔ جیل کے باہر سیکیورٹی بڑھادی گئی ہے۔ اٹک پولیس اور ایلیٹ فورس کے دستے جیل کے اطراف تعینات کردئیے گئے ہیں۔

وزارت قانون نےسائفرکیس کی سماعت اٹک جیل میں کرنےکی اجازت دیدی

دوسری جانب پاکستان تحریک انصاف نے اپنے چیئرمین کے خلاف سائفر کیس کی سماعت اٹک جیل منتقل کرنے کا فیصلہ مسترد کررکھا ہے۔

اس سے قبل وزرات قانون کی جانب سے چیئرمین پی ٹی آئی کیخلاف سائفرکیس کی سماعت اٹک جیل کیلئے اجازت دی گئی۔

وزارت قانون کی جانب سے جاری نوٹیفکیشن کے مطابق وزارت داخلہ کی جانب سےسکیورٹی خدشات کےپیش نظرسماعت اٹک جیل میں ہوگی۔

گزشتہ روز کی سماعت

افیشل سیکرٹ ایکٹ عدالت، سائفر کیس میں اہم پیشرفت سامنے آئی ہے۔ عمران خان کو سائفر کیس میں گرفتارکرلیا گیا ہے۔چیئرمین پی ٹی آئی کو سائفر کیس میں 30 اگست تک جوڈیشل ریمانڈ پر بھیج دیا گیا۔

چیئرمین پی ٹی آئی سزا معطلی کے بعد سائفر کیس میں دوبارہ گرفتار

آفیشل سیکرٹ ایکٹ عدالت کے جج ابو الحسنات ذوالقرنین نے فیصلہ سنا دیا۔آفیشل سیکرٹ ایکٹ عدالت نے تحریری حکمنامہ سپریٹنڈنٹ اٹک جیل کو بھیج دیا ۔عدالت نے چیرمین پی ٹی آئی کو 30 اگست کو عدالت پیش کرنے کا حکم دے دیا۔

دوران سماعت جج ابوالحسنات ذوالقرنین نے ریماکس دئیے کہ ملزم آفیشل سیکرٹ ایکٹ کے مقدمے میں جوڈیشل ریمانڈ پر ہیں،ملزم کوجیل میں ہی رکھا جائے،30 اگست کو عدالت پیش کیا جائے۔

from Samaa - Latest News https://ift.tt/YH1tU0D