عام انتخابات کی تیاریاں، نئی حلقہ بندیاں آج سے باضابطہ شروع

عام انتخابات کی تیاریوں کے سلسلے میں نئی حلقہ بندیوں کا کام آج سے باضابطہ شروع ہوگا۔

تفصیلات کے مطابق الیکشن کمیشن کی جانب سے ملک بھر میں نئی حلقہ بندیوں کیلئےکمیٹیوں کی تشکیل کے کام کا آغاز آج پیر سے ہوگا۔ حکام کے مطابق اس مقصد کیلئے ملک کے تمام انتظامی یونٹس کی حدود کو منجمد کردیا گیا ہے۔

یاد رہے کہ الیکشن کمیشن نے ڈیجیٹیل مردم شماری 2023کے اعدادوشمار کی منظوری کے بعد ملک بھر میں نئی حلقہ بندیاں کرانے کا فیصلہ کیا ہے۔

نئی حلقہ بندیوں کیلئے انتظامی انتظامات 22 سے 31 اگست تک مکمل کئے جائیں گے۔ کمیٹیوں کیلئے ٹریننگ یکم سے 4 ستمبر تک ہوگی۔ان کمیٹیوں کے ساتھ قومی اور صوبائی اسمبلیوں کی نشستوں کے ضلعی کوٹے کی تفصیلات 5 سے 7 ستمبر تک مہیا کی جائیں گی جبکہ ان کمیٹیوں کی جانب سے ابتدائی حلقہ بندیوں کی تکمیل 7 اکتوبر تک ہوگی۔

حلقہ بندیوں کی ابتدائی فہرست ان کمیٹیوں کی جانب سے 9 اکتوبر کو جاری کی جائے گی جن پر اعتراضات 10 اکتوبر سے 8 نومبر تک جبکہ ان اعتراضات کو 10 نومبر سے 9 دسمبر تک نمٹایا جائے گا۔ حلقہ بندیوں کی حتمی اشاعت 14 دسمبر کو ہوگی۔

from Samaa - Latest News https://ift.tt/GOthNxs