لوگوں کو زبردستی زمان پارک لانے کی مبینہ آڈیو لیک

تحریک انصاف کے رہنما علی امین گنڈا پور اور داؤد آفریدی کے درمیان گفتگو منظر عام پر آئی ہے جس میں لوگوں کو زبردستی زمان پارک لے جانے کی بات ہورہی ہے۔

منظر عام پر آنے والی مبینہ آڈیو میں علی امین کہتے ہیں کہ خان (عمران خان)نے کہا ہے جو امیدوار ٹکٹ ہولڈر ہیں، وہ پہنچیں شکل دکھائیں اپنی۔

جواب میں داود آفریدی نے کہا کہ قافلے روانہ ہوگئے ہیں، سر آج ایک قافلہ نکل چکا ہے،دوسرا قافلہ ہفتے کو نکلے گا۔

جس پر علی امین نے پوچھا تم ساتھ جارہے ہو یا نہیں؟، داؤد آفریدی نے جواب میں کہا کہ نہیں سر ابھی نہیں گئے.

علی امین نے پوچھا کہ کتنے بندے ہیں؟ جواب میں داؤد آفریدی نے کہا کہ 15 سے 20 لوگ ہی گئے ہیں۔ علی امین دوبارہ پوچھتے ہیں کہ 15،20 گاڑیاں ؟ جواب میں داؤد آفریدی نے کہا کہ نہیں گاڑیاں نہیں آپ نے 15، 20 لوگوں کا کہا ہے۔

علی امین گنڈا پور کہتے ہیں کہ کل تم 50 اور ضیا کو کہو 50 بندے لے کر جائے۔

from Samaa - Latest News https://ift.tt/Kit7ngR