قائد حزب اختلاف حمزہ شہباز وطن واپس پہنچ گئے

مسلم لیگ ن کے رہنما سابق وزیراعلی پنجاب حمزہ شہبازرات گئے وطن واپس پہنچ گئے وہ سخت سیکیورٹی میں ایئرپورٹ سے اپنی رہائش گاہ ماڈل ٹاؤن روانہ ہوئے۔

ذرائع کےمطابق حمزہ شہبازصوبائی اسمبلی کےانتخابات کے حوالے سے سیاسی سرگرمیوں میں بھرپورحصہ لیں گے اورانتخابی مہم چلائیں گے جبکہ وہ پارلیمانی بورڈ کے اجلاسوں میں بھی شریک ہوں گے۔ حمزہ شہبازآج کاغذات نامزگی جمع کروائیں گے۔

خیال رہے کہ آج پنجاب اسمبلی کے انتخابات کے حوالے سے آج کاغذات نامزگی جمع کرانے کا آخری روز ہے۔ جبکہ الیکشن کمیشن نے آن لائن اسکرونٹی سیل قائم کردیا۔

واضح رہے کہ حمزہ شہباز 3 ماہ قبل 14 دسمبر کو نجی دورے پر بیرون ملک روانہ ہوئے تھے وہاں انہوں نے لندن اورامریکہ میں اپنے اہلخانہ کے ساتھ وقت گزارا۔

from Samaa - Latest News https://ift.tt/6o57J0N