تحریک انصاف کے وفد کی چیف الیکشن کمشنر سکندر سلطان راجہ سے ملاقات کی اندرونی کہانی سامنے آگئی ہے۔
پاکستان تحریک انصاف کے وفد نے پنجاب اور خیبر پختونخوا میں انتخابات کے حوالے سے چیف الیکشن کمشنر سکندر سلطان راجہ سے ملاقات کی۔
ملاقات کے دوران پاکستان تحریک انصاف کے وفد نے عدلیہ سے ریٹرننگ افسران لینے کی اپیل کی۔ تحریک انصاف نے خدشہ ظاہر کیا کہ بیوروکریسی غیر جانبدار انتخابات نہیں کروا سکتی۔
تحریک انصاف کے وفد نے چیف سیکرٹری اور آئی جی پنجاب کو ہدایات جاری کرنے کا بھی مطالبہ کیا۔
پنجاب اسمبلی کے انتخابات کیلئے پولنگ 30 اپریل کو ہوگی
چیف الیکشن کمشنر نے عدلیہ سے ریٹرننگ افسران لینے سے معذرت کرلی، انہوں نے کہا کہ الیکشن کمیشن نے آر اوز عدلیہ سے لینے کی کوشش کی تھی، لاہور ہائیکورٹ نے جوڈیشل افسران کی فراہمی سے معذرت کرلی۔
سکندر سلطان راجا نے کہا کہ آر اوز بیوروکریسی سے لینے کے علاوہ کوئی راستہ نہیں، آر اوز کے تنازعے میں پڑے تو الیکشن میں تاخیر ہوسکتی ہے۔
چیف الیکشن کمشنر نے پی ٹی آئی کو تحفظات ختم کرنے کی یقین دہانی کرتے ہوئے کہا کہ الیکشن کمیشن انتخابی مہم کی سخت مانیٹرنگ کرے گا۔
from Samaa - Latest News https://ift.tt/vxH7A8e
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment