لانگ مارچ سے نمٹنے کیلئے حکومتی حکمت عملی تیار

وفاقی اور پنجاب حکومت نے پاکستان تحریک انصاف کے لانگ مارچ کو روکنے کیلئے حکمت عملی تیار کرلی ہے۔

جاری اطلاعات کے مطابق پاکستان تحریک انصاف کا لانگ مارچ روکنے اور اس سے نمٹنے کیلئے 22 ہزار سیکیورٹی اہلکار تعینات کیے جائینگے۔

وفاقی دارالحکومت میں سیکیورٹی بھی بڑھا دی گئی ہے، جب کہ دالرحکومت کو فوج کے حوالے کرنے سے متعلق کوئی بیان سامنے نہ آسکا۔ اسلام آباد انتظامیہ نے پولیس حکام کی مشاورت کے بعد تجاویز وزارت داخلہ کو بھجوا دی ہیں۔

ذرائع کے مطابق اسلام آباد انتظامیہ نے پولیس حکام کی مشاورت سے تجاویز وزارت داخلہ کو بھجوا دیں۔

پی ٹی آئی مظاہرین سے نمٹنے کیلئے پنجاب کانسٹیبلری کے 8 ہزار اور اینٹی رائٹس فورس اور سندھ پولیس کے 2، 2 ہزار اہلکار طلب کیے گئے ہیں، جب کہ 500 خواتین اہلکار بھی سیکیورٹی کے فرائض انجام دیں گی۔

رینجرز کے 4 ہزار اہلکار بھی وفاقی دارالحکومت میں تعینات کیے جائیں گے، صوبوں سے قیدیوں کی 100 گاڑیاں اور احتجاج اور مظاہرین کو روکنے کیلئے آنسو گیس کے 15 ہزار شیل بھی مانگ لیے گئے ہیں۔

from Samaa - Latest News https://ift.tt/3dq9slE