پاکستان اسٹاک ایکسچینج میں کاروباری ہفتے کے پہلے روز پیر کو ٹریڈنگ کے آغاز سے زبردست مندی دیکھی جارہی ہے جس کے نتیجے میں کےای ایس 100 انڈیکس میں 1100 سے زائد پوائنٹس کی کمی ریکارڈ کی گئی۔
پیر کوانڈیکس42300 پوائنٹس کی سطح پر بھی دیکھا گیا، ٹریڈنگ کے دوران ریکوری بھی دیکھی گئی لیکن منفی اثرات غالب رہے ہیں۔
اسٹاک سرمایہ کاروں کے مطابق حکومت کی جانب سے پٹرولیم مصنوعات کی قیمتوں میں اضافہ نہ کرنے کے سبب آئی ایم ایف سے مذاکرات میں مشکل ہوسکتی ہے جس کی وجہ سے سرمایہ کار حصص فروخت کو ترجیح دے رہے ہیں اور ٹریڈنگ کے آغاز سے حصص فروخت کرنے کےلیے زبردست دباؤ دیکھا جارہا ہے۔
واضح رہے کہ پاکستان اسٹاک مارکیٹ میں گزشتہ ہفتے کے دوران اس سے پچھلے ہفتے کے مقابلے میں 3فیصد کمی ریکارڈ کی گئی۔کاروباری ہفتے کے پہلے روز پیر کو اور بدھ کو اسٹاک مارکیٹ میں غیر معمولی مندی دیکھنے میں آئی جس کے نتیجے میں 2 روز میں 2088پوائنٹس کی کمی ریکارڈ کی گئی۔
منگل،جمعرات اور جمعہ کو مجموعی طور پر787پوائنٹس کی ریکوری بھی آئی لیکن پیر اور جمعرات کے شدید مندی کے اثرات بمشکل 38 فیصد تک کور ہوسکے۔ اس دوران مارکیٹ کی سرمایہ کاری مالیت میں بھی2کھرب43ارب37کروڑ27لاکھ روپے کی کمی ریکارڈ کی گئی۔
from SAMAA https://ift.tt/RHoYSDn
No comments:
Post a Comment