انٹربینک میں پہلی بار ڈالر 200 روپے کی نفسیاتی حد پر پہنچ گیا۔
جمعرات کو انٹر بینک مارکیٹ میں ڈالر دوران ٹریڈنگ 1 روپے 61 پیسے مہنگا ہوگیا۔ انٹر بینک میں ڈالر 200 روپے کی بلند ترین سطح پرجا پہنچا۔
بدھ کے روز انٹر بینک میں ڈالر کی قدر مزید 2 روپے 65 پیسے بڑھ کر 198 روپے 39 پیسے ہوگئی تھی۔
اوپن مارکیٹ میں ڈالر کی قدر 2 روپے 50 پیسے بڑھ کر 200 روپے 50 پیسے ہوگئی تھی جب کہ غیر قانونی منی چینجرز نے ڈالر 202 روپے تک میں فروخت کئے تھے۔
گیارہ اپریل کو اوپن مارکیٹ میں روپے کی قدر 185 روپے تھی، اس طرح موجودہ حکومت کے آنے کے بعد روپے کے مقابلے میں ڈالر کی قدر میں 16 روپے تک کا اضافہ ہوا ہے۔
آئی ایم ایف سے مذاکرات
پاکستان اور آئی ایم ایف کے درمیان فیصلہ کن مذاکرات بدھ سے دوحا میں شروع ہوئے ہیں،مذاکرات کا یہ دور 25 مئی تک جاری رہنے کا امکان ہے۔ پاکستانی وفد کی سربراہی وزیر خزانہ مفتاح اسماعیل کریں گے۔
مذاکرات کے دوران پاکستان اور آئی ایم ایف کے درمیان ساتویں اقتصادی جائزہ مذاکرات میں معاشی امور زیر غور آئیں گے۔
ماہرین کا کہنا ہے کہ پروگرام کی بحالی کیلئے حکومت کو پیٹرول، ڈیزل، بجلی پر سبسڈی میں بتدریج کمی لانا ہوگی، آئی ایم ایف حکام کو قائل کرنے کی صورت میں ہی پاکستان کو 96 کروڑ ڈالر کی اگلی قسط ملے گی۔
دوسری جانب نئے مالی سال 2022-23 کا بجٹ 10 جون کو پیش کرنے پر غور کیا جارہا ہے۔
from SAMAA https://ift.tt/rpKs5aT
No comments:
Post a Comment