پنجگوراورنوشکی حملے:وزارت داخلہ نے ملک بھرمیں الرٹ جاری

ٓدہشت گردوں کیخلاف کارروائی کے دوران نوشکی بازار کا منظر

بلوچستان میں دہشت گردوں کے پے در پے حملوں کے بعد وفاقی وزارت داخلہ نے ملک بھر میں الرٹ جاری کردیا ہے۔

وزارت داخلہ کے مطابق چاروں صوبوں اور آزاد کشمیرکی پولیس اور سیکیورٹی اداروں کو الرٹ رہنے کی ہدایت کردی گئی ہے۔

وزارت داخلہ کے مطابق تمام انٹیلی جنس و سیکیورٹی اداروں کو غیر معمولی طور پر مستعد رہنے کی ہدایت کی گئی ہے۔ اعلامیے میں ایف سی بلوچستان کے اہکاروں کی بہادری کی تعریف کرتے ہوئے وزارت داخلہ کا کہنا ہے کہ ایف سی کی مستعدی بلوچستان میں دہشت گردی کے واقعات کو ناکام بنانے میں اہم رہی ہے۔

3 جنوری2022
پنجگوراورنوشکی میں سکیورٹی فورسزکے کیمپوں پردہشت گردحملوں
پر اہم پیغام جاری.@OfficialDGISPR @GovtofPakistan @PTVNewsOfficial pic.twitter.com/q4wcxuw6XT

— Sheikh Rashid Ahmed (@ShkhRasheed) February 3, 2022

اعلامیہ میں یہ بھی کہا گیا کہ پوری قوم کے ساتھ ساتھ وزیراعظم عمران خان نے بھی ایف سی کی اس بہادری کو سراہا ہے۔

واضح رہے کہ بدھ کے روز بلوچستان کے علاقے پنجگور اور نوشکی میں دو الگ مقامات پر دہشت گردوں نے سیکیورٹی فورسز کے کیمپس پر حملے کی ناکام کوشش کی تھی۔

آپریشن میں دہشت گردوں اور قانون نافذ کرنے اداروں کے درمیان فائرنگ کے تبادلے میں 15 دہشت گرد ہلاک اور 4 فوجی شہید ہوئے۔

مائیکرو بلاگنگ سائٹ پر جاری اپنے بیان میں وفاقی وزیر داخلہ شیخ رشید احمد کا کہنا تھا کہ دہشت گردوں کو دونوں جگہوں سے پسپا کر دیا گیا اور پاک فوج نے اپنی روایت کو زندہ رکھا، پنجگور میں 4 سے 5 افراد فوج کے گھیرے میں ہیں جنہیں پاک فوج شکست دے گی، دہشت گردی کے خلاف پاک فوج نے یہ ایک بڑی کامیابی حاصل کی۔

وزیر داخلہ نے سیکیورٹی فورسز کو خراج تحسین پیش کرتے ہوئے کہا تھا کہ وہ کسی بھی قسم کی دہشت گردی کے خلاف لڑنے کی بھرپور صلاحیت رکھتے ہیں۔

ہم بلوچستان کے علاقوں، پنجگور اور نوشکئ میں قائم فوجی کیمپوں پر دہشتگردوں کے حملے پسپا کرنے والےاپنے جری جوانوں کو سلام پیش کرتے ہیں۔ پوری قوم اپنی عساکر کی پشت پر متحد اور یکجا کھڑی ہے جو ہمارے حفظ و دفاع کیلئے پیہم عظیم قربانیاں پیش کر رہی ہیں۔

— Imran Khan (@ImranKhanPTI) February 3, 2022

وزیر اعظم نے سماجی رابطے کی ویب سائٹ ٹوئٹر پر جاری اپنے بیان میں کہا تھا کہ ’ہم اپنی بہادر سیکیورٹی فورسز کو سلام پیش کرتے ہیں جنہوں نے بلوچستان کے علاقے پنجگور اور نوشکی میں سیکیورٹی فورسز کے کیمپوں پر دہشت گردانہ حملوں کو ناکام بنایا، قوم ہماری سیکیورٹی فورسز کے پیچھے متحد کھڑی ہے جو ہماری حفاظت کیلئے بڑی قربانیاں دے رہے ہیں۔

حملوں کو ناکام بنانے پر وزیراعلیٰ بلوچستان میر عبدالقدوس بزنجو نے بھی سیکیورٹی فورسز کی تعریف کرتے ہوئے کہا تھا کہ ’دہشت گرد ہماری بہادر سیکیورٹی فورسز کو بزدلانہ حملوں سے ڈرا نہیں سکتے، ہماری سیکیورٹی فورسز تاریخ رقم کر رہی ہیں۔

انہوں نے کہا تھا کہ دہشت گردوں کو یاد رکھنا چاہیے کہ ان کا مقابلہ دنیا کی بہترین فوج سے ہے جو انہیں ہر محاذ پر شکست دے گی، ان کی قربانیاں ان کے شانہ بشانہ کھڑی قوم کے لیے باعث فخر ہیں۔

from SAMAA https://ift.tt/5s9ZzRk