شمالی وزیرستان کے علاقے دتہ خیل میں سیکیورٹی فورسز نے آپریشن کے دوران فائرنگ کے تبادلے میں 2 دہشتگردوں کا ہلاک کر دیا۔
پاک فوج کے شعبہ تعلقات عامہ (آئی ایس پی آر) کے مطابق ایک دہشت گرد کی شناخت عصمت اللہ عرف حافظ کے نام سے ہوئی جبکہ مارے گئے دوسرے دہشت گرد کی شناخت کے لیے کارروائی جاری ہے۔
دہشت گردوں کے قبضے سے بھاری مقدار میں گولہ بارود اور اسلحہ برآمد کر لیا گیا، برآمد ہتھیاروں میں سب مشین گن، دستی بم سمیت دیگر اسلحہ شامل ہے۔
دہشتگرد سیکیورٹی فورسز کے خلاف کارروائیوں، ٹارگٹ کلنگ اور اغوا برائے تاوان میں ملوث تھے۔
واضح رہے کہ گزشتہ روز بھی بلوچستان کے علاقے کیچ میں سیکیورٹی فورسز نے کلیئرنس آپریشن کے دوران 3 دہشتگرد کمانڈر ہلاک کیے تھے۔
پنجگور واقعے کے تناظر میں سیکیورٹی فورسز کا کلیئرنس آپریشن جاری ہے، اس دوران کیچ کے علاقے بلگتر میں دہشتگردوں نے فائرنگ کر دی، جوابی کارروائی میں 3 دہشت گرد کمانڈر مارے گئے۔
ترجمان پاک فوج کے مطابق ہلاک ہونے والوں میں سمیر عرف بحر، الطاف عرف لالک اور پھیلن بلوچ شامل ہیں، دہشتگردوں کے ٹھکانے سے بھاری مقدار میں اسلحہ اور گولہ بارود بھی برآمد کیا گیا۔
تین روز قبل بلوچستان کے علاقوں نوشکی اور پنجگور میں دہشت گردوں نے فورسز کے کیمپوں پر حملے کیے، جس میں 12 اہلکار شہید اور 20 سے زائد زخمی ہوئے جبکہ جوابی کارروائی میں 15 دہشت گرد مارے گئے تھے۔
from SAMAA https://ift.tt/xzZbIpu
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment