انڈونیشیا کا لڑاکا رافیل طیارے خریدنے کا اعلان

فرانس نے تصدیق کرتے ہوئے کہا ہے کہ انڈونیشیا 42 رافیل طیارے خریدے گا، جس کے لیے 8.1 اب ڈالر کا معاہدہ ہوگیا ہے۔

فرانسیسی حکومت کے مطابق یہ معاہدہ فرانس کے ساتھ اسلحے کی خریداری کے دیگر معاہدوں کے سلسلے کا ایک حصہ ہے۔ فرانس کی وزارت دفاع نے اپنے بیان میں کہا ہے کہ انڈونیشیا آبدوزوں کی تیاری اور اسلحے کی خریداری کے معاہدوں کے سلسلے میں 8.1 ارب ڈالر مالیت کے 42 رافیل طیارے حاصل کرے گا۔

اس معاہدے کے بعد انڈونیشیا خطے میں فرانس سے اسلحہ خریدنے والا سب سے بڑا ملک بن جائے گا۔

یہاں یہ بات بھی قابل ذکر ہے کہ دونوں ممالک کے درمیان یہ بڑا تاریخی معاہدہ ایک ایسے وقت میں ہو رہا ہے جب پیرس اپنے تعلقات امریکا، برطانیہ اور آسٹریلیا کے ساتھ گزشتہ برس نیا اتحاد تشکیل دینے کے بعد ایشیا میں اپنے تعلقات کو وسعت دینے کی کوشش کر رہا ہے۔

قبل ازیں انڈونیشیا کے وزیر دفاع پرابوو سوبیانتو نے فرانسیسی ہم منصب فلورینس پارلے سے ملاقات کی، جس کے بعد 42 رافیل طیارے خریدنے کی خبریں میڈیا میں آئیں۔

C’est officiel : l’Indonésie commande 42 Rafale

— Florence Parly (@florence_parly) February 10, 2022

فرانسیسی وزیر دفاع فلورینس پارلے کا کہنا تھا کہ کہ ہمارے اسٹریٹجک تعلقات ہمیں دفاعی تعلقات مضبوط کرنے میں سود مند ثابت ہوں گے۔ انہوں نے کہا کہ اس معاہدے کے بعد انڈونیشیا خطے میں بھارت کے بعد دوسرا بڑا ملک ہوگا جو ڈیسالٹ ایوی ایشن کے تیار کردہ طیاروں پر انحصار کرے گا۔

فرانس کی وزارت دفاع کے عہدیداروں نے بریفنگ کے دوران بتایا کہ 8.1 ارب ڈالر مالیت کے طیاروں کی خریداری کا معاہدہ ڈیسالٹ ایوی ایشن، سیفران اور تھیلس میں پیداوار میں اضافے کا باعث ہوگا۔

معاہدے کے تحت پہلے مرحلے میں 6 رافیل طیارے ممکنہ طور پر مارچ میں انڈونیشین حکومت کے حوالے کیے جائیں گے، جب کہ دیگر 36 طیارے بعد کے مراحل میں فراہم کیے جائیں گے، جو رواں برس کے اواخر یا اگلے سال تک ممکن ہوگا۔

ڈیسالٹ ایوی ایشن نے بتایا کہ معاہدہ طویل شراکت داری کا آغاز ہے اور اس سے انڈونیشیا میں موجودگی کی جانب قدم ہوگا۔

6+36 = 42 Rafale
2 Scorpene with AIP
Munitions Production in Pindad
Rafale MRO facility
Military Satellite pic.twitter.com/rYWnYH00to

— Andy (@andrevs_7) February 10, 2022

وزارت دفاع کے عہدیداروں نے بتایا کہ مذکورہ معاہدہ انڈونیشیا کو جنوب مشرقی ایشیائی خطے میں فرانس سے فوجی ساز وسامان کا سب سے بڑا خریدار بنا دے گا جبکہ اس وقت خطے میں سنگاپور کے بعد دوسرے نمبر پر ہے۔

فرانسیسی وزارت دفاع نے کہا کہ انڈونیشیا نے طیاروں کے علاوہ آبدوزوں کی تیاری میں تعاون کی یاد داشت پر بھی دستخط کیے ہیں، جس کے تحت نیول گروپ کی جانب سے دو جہاز تیار کیے جائیں گے۔

رپورٹ کے مطابق انڈونیشیا کے پاس اس وقت امریکی تیار کردہ ایف-16 اور روسی ساختہ سخوئی ایس یو-27 ایس یو-30 طیاروں کی فلیٹ ہے جو کافی پرانی ہوچکی ہے۔

انڈونیشیا کے صدر جوکو ویدودو نے آبدوزوں کی تیاری، سٹیلائٹ سے متعلق آلات اور اسلحے کی تیاری کے معاہدے پر دستخط کا خیرمقدم کیا۔

انہوں نے کہا کہ مجھے امید ہے کہ دفاعی شراکت داری صرف اسلحے کی خریدار تک محدود نہیں ہے بلکہ تیاری اور مشترکہ پیداوار، ٹیکنالوجی کا تبادلہ اور دفاعی صنعت میں سرمایہ بھی زیر نظر ہے۔

Greece: First Rafale fighter jets arrive from France #geopolitics #Military pic.twitter.com/oFnlIAYAXb

— Ponderwall (@ponderwall) February 10, 2022

فرانس نے متحدہ عرب امارات کے ساتھ دسمبر میں جیٹ طیاروں کے لیے اب تک کے سب سے بڑے معاہدے پر دستخط کیے تھے، جس کے تحت 19 بلین ڈالر میں 80 طیارے خریدے جائیں، جب کہ اس کے دیگر غیر ملکی گاہکوں میں کروشیا، مصر، یونان اور قطر شامل ہیں۔

from SAMAA https://ift.tt/rgh8ezj