ڈی جی آئی جی زعیم اقبال کی درخواست پرفریقین کونوٹس

فوٹو: سماء ڈیجیٹل

رپورٹ: عرفان الحق

جونیئر افسران کی ترقی کے خلاف ڈی آئی جی زعیم اقبال شیخ کی درخواست کی سماعت پر سندھ ہائی کورٹ نے سیکریٹری اسٹیبلشمنٹ ڈویژن اور ایڈووکیٹ جنرل سندھ کو نوٹس جاری کر دیے۔

دوران سماعت درخواست گزار کے وکیل نے بتایا کہ ان کا موکل طویل عرصے سے گریڈ 20 میں ہے، جو گریڈ 21 کا حق دار ہے لیکن سلیکشن بورڈ نے 75 فیصد نمبرز لازمی کی شرط عائد کرکے پروموشن سے محروم کر دیا۔

مؤقف اپنایا کہ درخواست گزار کو سیاسی انتقام کا نشانہ بنایا جا رہا ہے، چھ جونیئرز کو اگلے عہدے پر ترقی دے دی گئی جوکہ سنیارٹی کے اصول کے خلاف ہے۔

عدالت نے ریمارکس دیے کہ درخواست اسلام آباد میں کیوں دائر نہیں کی۔

سندھ ہائی کورٹ نے سیکریٹری اسٹیبلشمنٹ ڈویژن اور ایڈووکیٹ جنرل سندھ کو نوٹس جاری کرتے ہوئے فریقین کو 17 فروری تک جواب جمع کرانے کا حکم دے دیا۔

عدالت نے درخواست گزار کا سروس ریکارڈ اور ترقی سے متعلق مواد طلب کرلیا۔

from SAMAA https://ift.tt/PhQyxsOF8